阿正派喜餅黃淑玲夫唱婦隨

樂隊RubberBand（RB）的隊長兼結他手馮庭正（阿正），去年3月在瑞士雪山向拍拖三年的馬來西亞女友黃淑玲（Sherine）求婚成功，兩人昨日宣布已正式成為夫婦，並向大家派發喜餅，到年尾在馬國再補擺婚宴。

擔心遺失戒指

兩人早前受邀到越南拍攝婚紗相，阿正在古廟前深情凝望着穿上低胸婚紗的Sherine，認真Sweet，問到當初求婚的情形，阿正表示在瑞士時日日求婚戒指不離身，一方面擔心遺失戒指，另方面又怕被Sherine發現：「嗰日去到瑞士Zermatt雪山，我就向佢求婚，佢應承咗同收埋隻戒指我就放心，因為唔使我再袋住嘛！」原來當時他被Sherine埋怨為何不預先通知：「佢話點解唔早啲講，佢可以着靚啲上去。」不過他仍然對太太讚不絕口。婚後可會積極造人？阿正說：「我哋都鍾意小朋友，但想過吓二人世界先！」

新人昨日派喜餅分享喜悅。	阿正在雪地向Sherine求婚一幕，令她畢生難忘。	阿正與黃淑玲年底補擺喜酒。

讚老公夠細心

新娘子Sherine對於阿正在雪山上求婚覺得很新鮮，令她一世難忘：「現場有好多人做見證，我真係好驚喜，佢拎隻戒指出嚟我好感動，現場其他旅客都拍晒手，仲走埋嚟一齊影相同講恭喜，有人讚咁樣求婚好浪漫！」她說雖然阿正一向工作忙碌，對她卻無微不至，細心就是阿正最大的優點。

Sherine表示剛在香港簽了經理人公司，計劃出新碟，老公會協助作曲及擔任其唱片監製，兩夫妻實行拍住上。

文：音樂組