吳若希怕醜素顏見光死

吳若希（Jinny）、肥媽Maria Cordero、陸浩明（6號）、鄭俊弘、胡鴻鈞及許廷鏗等昨日出席無綫節目《暖DD．食平D》慰勞宴，席間眾人講出新年祝福說話，Jinny一句「甜甜蜜蜜」卻惹來肥媽狙擊：「係咪有戀情呀？同邊個拍拖啫？圈中人定圈外人呀？」

Jinny受訪時表示仍是單身：「甜甜蜜蜜係我新年願望，希望有啦！依家等緊人介紹筍盤畀我，無論人定樓嘅筍盤都要！我希望樓價再跌啲，就入市投資。（將會同吳業坤合作無綫真人騷？）我都係睇報紙先知，真人騷For我就危險啲，因為我唔化妝個樣係唔見得人，屋企又太亂。如果講日常生活，借到幕後嘅屋企都OK！」

吳若希曾上載素顏照，睇落都唔差啫！	肥媽自爆陸續「減產」，因推Job而損失6百萬。	陸浩明談笑風生，逗得吳若希喪笑。

肥媽推Job失6百萬

至於肥媽則表示因要減少工作，推掉約6百萬酬勞：「今年開始我要篩選工作，3月中會係我最後一次個人紅館演唱會，我60幾歲，孫又陸續出國讀書，我想多番啲屋企時間，所以推咗內地同馬來西亞一啲工作，推走咗6百幾萬！嚟緊2月去拉斯維加斯做登台，夏天會拍《食平D》夏天篇，其餘工作要揀，留啲時間畀自己抖啦！」

文：影視組