蔡思貝咀洪永城零避忌

藝人蔡思貝及洪永城（Tony）等昨晚出席劇集《味想天開》煞科宴，思貝表示跟Tony拍了一場人工呼吸戲，要咀足幾次，問到有否向排舞師男友麥秋成請示？思貝似默認對方地位：「唔使喎！呢啲係工作，大家都專業。」提到之前飽受困擾的學歷問題是否已解決？她說：「我一路冇理，警方冇搵過我，件事只係啲網友喺度講，我自己知係咩情況就夠。」
蔡思貝笑言與洪永城非常合拍。
蔡思貝笑言與洪永城非常合拍。

而思貝及Tony不約而同表示會放一個月長假做運動及睇中醫，思貝笑認兩人非常合拍：「我哋都覺得『邪』，成日都講同一樣嘅嘢。」Tony表示想趁放假到美國旅遊，要計劃是否跟女友唐詠詩同行。提到日前唐詠詩拍攝《鐵馬戰車》海報時指Tony「雄風」不夠，他笑說：「哈哈！我考慮吓考電單車牌，載吓佢囉！」

蔡思貝與洪永城拉隊BBQ。
  • 蔡思貝與洪永城拉隊BBQ。