歌手G.E.M與好姊妹何超蓮前晚齊齊在IG爆李蘊結婚，婚禮結束後，她們又不停在網上甫多張婚紗照、婚宴時一對新人祝酒等相片，超蓮還上載短片直擊新郎哥說：「我願意！」的重要時刻。超蓮為李蘊搵到好老公而高興，當一對新人講出「我願意」時，她還不禁流下眼流，超蓮留言：「兩位超搭的左右門神負責守護着新娘子的幸福。」又讚兩人郎才女貌。
昨日記者致電超蓮問到她送甚麼禮物給李蘊？她說：「呢個係秘密，我同G.E.M都覺得送屋企布置或其他物品都唔夠，所以會送啲有好好回憶嘅嘢，已經有晒idea，但唔講得。」而問到李蘊是否有喜？她即避談說：「我哋當然希望佢快啲有BB。（會否做契媽？）如果有咗我同G.E.M.當然係契媽，之前已經講咗，想佢生愈多愈好，男女都無所謂。」至於下一個會否是她結婚，超蓮即表示不回答。