E Cup Baby胸降台灣拍婚照

退出娛圈轉職空姐的劉欣宜（E Cup Baby）和李蘊曾是同門師姐妹，齊合唱韓國改編歌《Mister》又同期推出寫真集，對於好友李蘊結婚，E Cup Baby昨日在電話中表示：「我知咗好耐，李蘊都有請我去飲，但我都搞緊自己結婚，所以等佢返香港擺酒，我先飲佢嗰餐，不過我依家恭喜佢先。（傳李蘊有BB?）我冇講呀，留番畀佢講啦，咁開心嘅事。」
劉欣宜與陳子敏拍婚紗相，大騷惹火身材。
劉欣宜與陳子敏拍婚紗相，大騷惹火身材。

將於3月26日和音樂人陳子敏假九展擺逾30圍喜宴的E Cup Baby，早前就到台灣拍結婚照，除有街頭接吻相外，穿上低胸婚紗的她露出4吋深長事業線，令人鼻血直流。問結婚時可會更性感？她說：「唔會啦，因為有長輩在場，況且我啲身材，依家畀老公私有化啦！」陳子敏跟張繼聰夫婦、黃又南及Mr.成員Ronny相熟，故屆時會請這班圈中人飲喜酒，至於E Cup Baby就會邀李蘊，婚後或會到日本度兩星期蜜月。

劉欣宜與陳子敏在台灣街頭咀嘴。
  • 劉欣宜與陳子敏在台灣街頭咀嘴。