諸葛孖老公肉麻耍花槍

名模諸葛紫岐（Marie）與老公薛嘉麟出席婚宴，二人恩愛地攬腰合照，問到二人於2016是否雨過天青？薛生說：「恭喜一對新人，（會唔會傳授生仔秘方？）祝佢哋白頭到老，永結同心，幸福快樂。」Marie透露新年一家三口在家中看煙花度過，問會否再造人？兩人即場耍花槍，Marie對着老公說：「你得閒咩？」薛生即表示：「問吓囝囝意見先，（囝囝有冇話想要細佬定妹妹？）未講過，冇問過。」Marie又借機問老公：「你鍾意呢？」薛生肉麻說：「我鍾意你。」談及薛生唱片公司旗下藝人吳業坤於頒獎典禮上成為新人王，有否對他作出鼓勵？他說：「繼續努力，工作嘅嘢工作時先講，今日係嚟賀新人，（捧佢做一哥？）問吓佢先，點都會慶祝。」