貝安琪催谷自己拍拖約會追求者

名模貝安琪（Ankie）昨日出席素食健康分享會，即場示範煮中東菜。她自言4歲已跟母親學烹飪：「我鍾意煮嘢食畀屋企人同朋友。（男友呢？）暫時冇。」她又表示從14歲開始戒食肉，現是全素食者：「我好愛護動物，所以唔想殺生，而且想自己健康啲。因為冇食肉，我會睇多啲書食啲咩去平衡身體健康。（煮畀朋友食有冇肉？）全素，通常啲朋友想食得健康所以打畀我，哈哈！」問到會否有意開餐廳？她坦言：「都有，可能出本cook book先。」談到新一年大計，Ankie表示希望繼續拍攝好電影，記者笑言聽到希望有拖拍，她也心急謂：「呢個都係！（冇拖拍？）冇，但都有應吓約，未遇到啱嘅。（媽咪冇催？）冇，係我催自己，但點都要搵到個啱先。」