麥浚龍多謝女友未諗下一步

麥浚龍（Juno）前晚憑專輯《Addendum》勇奪「叱咤樂壇至尊唱片大獎」，首次獲該獎的Juno坦言感沉重：「因為參與單位實在太多，過程唔易，同時間我係寫緊電影劇本比較困身，不過都係開心嘅。」對於在台上公開多謝拍拖多年的模特兒女友戴庚玲，Juno說：「已經唔係第一次，好多時拍戲、做專輯要有私人生活、經歷。（有冇諗過攞到咩獎就公布婚訊？）冇，未諗有下一個宣布，我對樂壇頒獎禮有種強烈歸屬感，始終係歌手出身，繼續做好音樂。」