祖兒咬實牙關守住第10金
樂壇天后容祖兒在《叱咤頒獎禮》創下歷史，第10度奪得「叱咤女歌手金獎」，入行16年的她在慶功宴上說：「守住盤生意，真係要咬實牙關咁去。」祖兒又笑言看到吳業坤攞獎時表現激動，憶起往日種種：「佢嗰種傻、天真、可愛，諗起自己第一次攞獎，都冇諗過一口氣就行咗咁多年，其實係感動。（失落『我最喜愛的女歌手』感失望？）都冇所謂，我只係攞過一年！（係明年目標？）呢啲唔強求，自己要得嘅嘢都已經超晒額。」
對於有指陳奕迅（Eason）即使現身，「我最喜愛的男歌手」亦可能輸給吳業坤，祖兒對此說：「我諗佢都唔Care（在意）!」還踢爆Eason前晚缺席而去打邊爐：「有時都會好想好似Eason去打邊爐。（你篤爆人？）我篤爆咗咩？我唔做嘢會身痕。」她又自爆畀李克勤話犯賤，指她前年休息了大半年，但精神面貌反而不及去年忙碌了一整年。
提到新城知訊台台長朱明銳就前年因祖兒缺席《勁爆》頒獎禮，承認說了一番話而闖禍，祖兒說：「我都想講多謝番銳哥，因為我冇去到，梗係唔係幾好，多謝新城畀番啲獎我。（佢話冇嬲你？）佢嘅心意我全部收到。」