Bobby玩滕麗名：睇住佢發育

藝人歐陽震華（Bobby）、滕麗名（阿滕）、張頴康及呂慧儀等昨日拍攝無綫劇集《一屋老友記》的婚宴戲份。當中清減不少的Bobby稱開工會自動減磅，又表示開工開心到似到遊樂場。

劇中誤飲通經水

Bobby提到與舊拍檔滕麗名相隔多年再合作，他即搞笑稱「睇住對方發育及當上人妻」，更講有味笑話：「睇住佢發育同做人妻。（點睇佢發育？）佢做豐胸代言人，用手按摩豐胸，佢連隻手都大成個碼，佢老公（幫佢）隻手大兩個碼添呀！」阿滕聞言就笑稱早已把Bobby當哥哥，又反擊對方：「我問番佢印度神油搽手指又會點？結果佢輸咗畀我啦！」

Bobby又透露劇中會誤飲通經水而噴到呂慧儀成面水，他大讚對方成功忍笑冇NG：「本身佢唔肯畀我噴水，但我鼓勵佢做，況且我冇口臭，用晒蒜頭消毒。」

張頴康咀蟹被詐型

至於呂慧儀及張頴康分別扮成新娘及新郎出場，慧儀大讚劇組準備的道具婚紗照相當精美，又自爆想與老公黃文迪在港再影婚照作情人節禮物，她說：「好緬懷，當時我哋喺外地影，應該喺香港再影當情人節禮物。」她又笑言老公「冇眼睇」自己再披嫁衣：「本身想帶囝囝蟹籽嚟開工，最後就冇。老公就話冇眼睇！」她又笑言因不擅忍笑而狂NG，故被劇組改花名「焗蟹」。頴康就表示要與慧儀拍咀戲，故被太太麥雅緻「詐型」。

文：影視組