周麗淇孖MJ三哥慈善獻Sing

藝人周麗淇（Niki）、已故歌神米高積遜（MJ）三哥杰明積遜（Jermaine Jackson），以及保良局副主席陳細潔等，昨日齊出席探訪保良局活動，Niki高興表示可於2015年最後一日參與極具意義的活動，並透露2016年將會再到內地多個地區進行探訪：「我覺得搵到錢都要捐同助養兒童，唔可以成日掛住賺錢，要回饋番社會，我都有助養兩個內地小朋友，一仔一女，十幾歲讀緊大學啦，由小學供養到大學，不過佢哋係有父母嘅，我負責供佢哋讀書，佢哋都有寫信畀我，大家有見過嘅。」又謂教育很重要，故之前亦有捐款在內地興建學校，並以爸爸名字命名，希望今年可以媽媽名字再興建多一間學校。

害怕「相睇」

至於昨日除夕夜，留港倒數的Niki表示跟朋友一起吃飯度過，並透露新年願望是身體健康、可於戲種方面作出新嘗試及有更多時間陪伴家人，感情事則一切隨緣，又笑言自己害怕「相睇」：「我好怕咁刻意，我覺得如果緣分要嚟擋都擋唔住，就好似按錯門鐘咁就會嚟到你門口。」其後又稱家裏的集中力全在胞姊周汶錡囝囝Jacques身上，故沒有生B壓力。問到早前到胡杏兒婚禮有否看見舊愛鄭嘉穎及打招呼？她說：「其實我同佢離好遠，隔幾張枱，有見到，但冇特別打招呼，又唔係第一次見到。」

拍MV全球唱

而與Niki一同向小朋友大派新年禮物、曲奇餅及氣球的Jermaine，大感榮幸表示有機會可為慈善創作一首歌曲來傳遞愛的訊息：「我會教全球小朋友一起唱這首歌。」還邀請了Niki參與主唱及拍攝歌曲MV。

文：名人組