劉浩龍修補形象甘做「咕喱」
劉浩龍（師兄）早前到淡水登台，有女粉絲衝上台把他的簽名相搶走，他說：「喺夜場做騷粉絲特別熱情，隨時會有好多突發嘢發生，好似有觀眾上台想請我飲酒，但我怕飲咗唱歌會失準，所以冇即刻飲，不過完騷時有同觀眾乾杯，飲少少冇所謂，最緊要大家開心。」
返港又獲英國波鞋品牌邀拍廣告，在烈日下跑來跑去，幸好之前受傷的韌帶已康復，日前師兄被《好報》影到在屋村嘉年華活動上做「咕喱」擔擔抬抬，又不怕污糟趴在地上布置，曾經在網上失言被圍插，一直努力修補形象的他說：「過去一年發生咗好多事，自己都長大咗好多，希望新一年大家見到我嘅改變同努力，希望有多啲唔同嘗試發展。」