鄧麗欣透視淑女急救形象

方力申與鄧麗欣前晚在銅鑼灣為電影《紀念日》與影迷舉行交流會，鄧麗欣以透視裝亮相笑謂作淑女打扮是要拯救形象：「戲裏面我太巴辣喇，驚觀眾以為我真人真係咁，以為我成日烚佢，所以要澄清番，我絕對唔係咁，其實鬧交死好多腦細胞，仲好嘥時間。」方力申說：「佢唔係咁嘅，大家以為情侶檔拍情侶鬧交戲好容易，其實唔係。」

電影昨日正式上映，但優先場已經報捷，方力申宣布由24日至今優先場已經錄得六百萬票房，希望電影票房盡快過千萬，有望打破自己的票房紀錄。

千幾萬好滿足

講到在《葉問3》及《星球大戰：原力覺醒》夾擊下票房會否有壓力？方力申說：「佢哋有佢哋過億，我哋千幾萬已經好滿意，大家唔同，淨係甄子丹片酬已經貴過我哋票房，我哋當贏o架喇！」

方力申又笑言《紀念日》比起《葉問3》及《星球大戰：原力覺醒》更多元化，他說：「戲裏面我哋鬧交鬧到火星撞地球，星戰有嘅嘢，我哋都有。我哋戲裏面又會動武，招式唔比詠春弱，我哋仲有寫實嘅愛情元素喎。」

採訪：影視組