杏兒Honeymoon去足兩個月
剛剛新婚的藝人胡杏兒，婚後首個工作便是仁濟除夕倒數晚宴，昨晚穿大露背裝現身中環的她，表示會表演兩首歌。問到新婚即撇低老公工作，她說：「佢哋請我嚟，話唔使倒數我先接，唱完後再同老公倒數，（接工作以老公為先？）起碼呢幾日係，上年除夕都要工作，冇得同佢倒數，今年第一次想陪佢，而且老公好多朋友喺外國返咗嚟。（遲啲喺圍村擺酒？）唔係，只係有啲儀式，究竟做乜及日期都要睇佢哋安排。」
杏兒說稍後便會度蜜月兩個多月，會到又熱又冷的地方，是否造人之旅？她說：「如無意外唔會住，未計劃，唔會好耐，但又唔會好快。」同場還有關禮傑一家、沈卓盈、范振鋒、前港姐陳庭欣，待眾人入席後，戴夢夢與男友Ricky手拖手到場，但愈叫愈走，直至記者追到入場，她為免騷擾其他人，最後乖乖返到backdrop影合照。提到早前傳被男友趕落街，夢夢說：「唔講住，我今晚嚟支持，趕住入去，祝大家新年快樂。」
