Eason 2016深水埗義唱要港人Happy

Eason一連兩場「ANOTHER EASON'S LIFE IN MACAO世界巡迴演唱會」前晚於澳門威尼斯人金光綜藝館開鑼，Eason一家總動員捧場，包括父親陳裘大、太太徐濠縈及愛女陳康堤。

兩年唱足107場

Eason過去為世界巡迴個唱走遍英、美、加拿大及內地等地方，唱足107場破了個人巡唱紀錄！今年他將會繼續到馬來西亞、台灣及內地等地繼續演出。

Eason於金光綜藝館站在吊臂舞台上獻唱！	Eason在場館內玩電動平衡車。	徐濠縈

身為「吸金王」的Eason前年斥資二億三千萬元購下南區豪宅，榮升億萬富豪的Eason透露未來將放更多時間在慈善活動上：「我覺得香港人好唔開心，希望可以用自己空閒時間去身體力行，從娛樂角度出發，去令香港人變得開心啲。」隨即表示有意舉行「義唱」：「或者免費去深水埗唱歌，去接觸一吓自閉青年，令佢哋有信心重投社會，依家未有咩概念，等我停落嚟仔細去計劃吓。」

陳裘大	Eason與工作團隊在場館內玩自拍。	Eason清唱《心債》懷念梅艷芳。

住豪宅用爛mon

對於巡迴個唱要唱足三年，Eason坦言不厭倦還愈唱愈開心：「演唱會製作不斷變，令歌迷每次入場都有新意。」今日正式踏入新的一年，問及新年願望時Eason說希望身體健康：「真係冇咩新年願望，最緊要健康！人大咗對物欲要求愈嚟愈低，美酒、跑車、相機、金錶都唔係好恨。」隨即自爆手機屏幕（mon）爆裂多時都未有更換，更提到入住的豪宅是夢寐以求的事，Eason說：「前年買咗間屋，已經好滿意、好滿足，令我根本唔想出街。」

清唱《心債》悼阿梅

前日（12月30日）是已故天后梅艷芳（阿梅）逝世十二年死忌，Eason在安歌部分清唱了阿梅的《心債》，作為悼念故友，唱完還揮手向天送上一吻。對於阿梅遺物被拍賣一事，Eason表示過去一個月忙於美加巡迴，了解不多，不過當他得悉大部分遺物被曾志偉、張學友等人投回保存，他提議應該有梅艷芳博物館，還說：「將來我嘅物件，最好唔keep，燒晒佢，唔好煩！哈哈。」

文：音樂組