吳業坤2016殺入紅館
剛在勁歌金曲頒獎禮上勇奪新人金獎「爆喊」而一夜「霧」起的吳業坤，在新一期《好報》娓娓道來屋邨長大的成長點滴，並自爆想早日圓上車夢。坤坤這位「公屋新人王」走勢凌厲，更向楊千嬅、麥浚龍及謝安琪等挑機，打入今晚舉行的叱咤頒獎禮上「我最喜愛的歌曲」最後五強。2016年更備受唱片公司高度重視，重錘出擊實行買大搏起雙，越級挑戰殺入紅館！而其他樂壇新一輩包括許廷鏗、少女標本等，均紛紛出辣招望2016突圍而出！
吳業坤於《好報》中，自揭在單親家庭成長，與家人同住樂富橫頭磡邨，常在貧窮線上浮游。身為「公屋新人王」的他，在「冇父幹」下為事業打拚，2016年更將越級挑戰上紅館開個唱！
在今晚舉行的《叱咤樂壇流行榜頒獎典禮》上，吳業坤憑首隻主打歌《原來她不夠愛我》入選「我最喜愛的歌曲」最後五強，其餘入圍的均是天王、天后級歌手如楊千嬅、張敬軒、謝安琪及麥浚龍等，但坤坤卻以新人姿態向多位前輩「挑機」！
據知坤坤所屬的星娛樂唱片公司，將投放大量資源，其中一個目標就是在紅館開騷。星娛樂唱片公司總經理Tommy Chu，昨日接受本報電話訪問承認此事：「之前佢同張紋嘉、羅孝勇同張惠雅喺九展搞咗個演唱會試水溫。依家見佢走勢咁勁，2016年一定會幫佢搞個人騷，唔排除會越級挑戰紅館，依家仲唔有大食大，當然想買大搏起雙，將全部資源投放喺佢身上。（吳業坤夠歌？）大家聽吓佢上網唱人哋嘅歌啦，佢唱林憶蓮嘅《願》真係好好聽！」（夠歌？）大家聽吓佢上網唱人哋嘅歌啦，佢唱林憶蓮嘅《願》真係好好聽！」
留工人房畀嘉欣
被公司重用的吳業坤，昨日受訪時聞言會被力捧及殺入紅館，直言驚訝不已：「嘩，嚇死！公司有信心，咁我就有信心，我更加要畀300％嘅努力。唔會太大壓力嘅，做人要有目標，目前都係想做多啲好歌。（夠歌開個唱？）所以依家咪要加把勁造多啲歌！」
對於在訪問中透露想一圓上車夢，給母親和妹妹有安樂窩，昨日吳業坤出席倒數音樂會時，承認新一年願望是買樓：「希望（層樓）有三間房，媽媽、妹妹同我一人一間房，邊區冇所謂，買得起就得。（你啲錢唔係畀晒龔嘉欣管咩？）做生意啫！（買樓預埋佢？）唔夾啦，點分，可能留間工人房畀佢，不過都係講笑。」
單親家庭夠晒慳
身為公屋新人王的吳業坤，未有因人氣強勁而一改平民化生活，保持一貫節儉作風。日前吳業坤被本報拍得與男友人到樂富平民餐廳食飯，食足45分鐘！之後被拍得拍劇後，到坑口的大牌檔醫肚，即使其他食客眼望望，也未有理會。吳業坤說：「我未紅，生活都係照常咁落街，我份人好怕醜，出街會戴口罩同低頭撳電話，多街坊支持係開心，但唔會沉溺呢啲感覺，否則變虛榮。」對於在《好報》訪問中，提到一年只見父親兩、三次，並叫父親生性，他強調：「我同爸爸只係少聯絡，唔係咩十冤九仇。唔係憎佢，有咁大件事（離婚），令我耿耿於懷，我對佢有一份家人嘅愛。我媽咪50幾歲，都想佢提早享福。」
文：專案組
採：音樂組
攝：追蹤組