洪子崎湊女又搞生意

前珠寶小姐洪子崎（Angelina）早前誕下小公主Ava，日前她帶同六個月大的女兒齊齊購買嬰兒用品。她表示Ava喜歡拍照，囡囡兩個月時為她影了幾十個造型做了一本相集：「嗰時喺澳洲坐月，唔可以出門，喺屋企好悶，有好多時間幫佢影相同自己造BB衫。」最近她帶Ava為一個BB品牌試鏡，希望成功。
洪子崎為BB購買心頭好。
洪子崎為BB購買心頭好。

提到當日生囡囡時，Angelina說：「因B女太大隻，用咗12個鐘生佢，期間失咗好多血，生完後因為出血問題又再入院，身體康復得好慢。」除了模特兒工作，她也有投資生產電話充電器，生意十分理想：「我個品牌同Hello Kitty合作，喺日本賣得好好，有八百個銷售點，嚟緊仲會同其他卡通品牌合作。」

洪子崎的囡囡Ava趣致可愛。
  • 洪子崎的囡囡Ava趣致可愛。