鄭中基10年之約等執死雞
明年入行20周年的鄭中基（Ronald），有意於這個特別日子舉行紅館個唱，但可惜由今年七月開始，每月入紙都不獲批，令Ronald大感無奈！不過，為了一圓十年前個唱許下的承諾，Ronald沒有放棄，最近還積極籌備演唱會製作，並有意用超強3D特技呈現20個真人版「鄭中基」，噱頭十足！
鄭中基1996年加入樂壇，擁有不少Hit爆歌曲，如《無賴》、《甲乙丙丁》等，而明年適逢是鄭中基入行二十周年，不少公司都向Ronald招手搞演唱會，而鄭中基亦決定在這特別日期舉行個唱，遂由今年七月開始，入紙紅館申請，近期更積極為演唱會做好前期工夫，怎料，紅館卻未有批出他的申請，排到明年十一、二月都未有期，令他相當無奈！
約拍檔密斟
雖然檔期未批，但鄭中基都繼續為個唱做工作，昨更約了演唱會的拍檔以及田啟文等坐埋傾演唱會事宜，期間，Ronald手舞足蹈，看來對個唱相當着緊！而當他們開完會之後，記者上前問Ronald，是否明年於紅館開個唱波折重重？他表示：「今年七月開始入紙，但一直都未批，依家只好等執死雞，十年前開個唱曾經同歌迷講過希望唔好等十年之後再開，明年啱啱就十年，都好想去開，但可惜一直都批唔到，只能同香港樂迷講聲要再等多陣。」
加入3D特技
雖然未申請到紅館檔期，但Ronald不會放棄，除將繼續入紙申請外，還積極為演唱會構思，如有意找3D特技大師為個唱設計出大約廿個真人版「鄭中基」，將自己入行20年的所有唱片、電影造型，以真人加3D特技呈現，Ronald最近亦積極練跑，同喪吃大海欖及鹹竹蜂養聲，為個唱做足準備！
2016年將至，在港開個唱成了Ronald的最大新年願望，而不少公司亦很希望跟他合作，有些更連Ronald太太余思敏都「唔放過」，希望聯絡到Ronald合作，但Ronald則希望落實了紅館的檔期，再去傾有關合作的事宜。
文：影視組