鄭裕玲（嘟嘟）昨日在電台開咪時談到日前《男親女愛》演員食飯，黃子華提議拍攝《男》劇續集一事時承認說：「子華提議拍一、兩集過吓癮，大家講得好開心，我呢啲即刻收聲，大家好快就轉咗話題。（真係拍續集？）世事嘅嘢never say never（永不說不）。（同子華有第二啲形式合作？）廣告都拍過，其實有人搵過我哋拍戲，因為未去到我哋嘅期望推咗。（最引到你出山係咪拍攝續集？）好難有呢個可能，同出去食飯兩樣嘢，要對觀眾負責任。」
而子華昨日在電話中回應：「其實今次食飯主要以聚舊為主，再拍劇外傳呢個話題只係講咗幾分鐘、輕輕帶過，所以係咪拍都未落實。」
