唐詩詠嫌洪永城欠雄風

唐詩詠、黃德斌及袁偉豪等無綫新劇《鐵馬戰車》演員昨在屯門拍宣傳片,詩詠在劇中演交通警:「交通警部電單車好重,拍攝時好多鏡頭都係用替身。我遲啲都想考電單車牌,揸電單車好有型。(洪永城畀唔畀?)關佢咩事?(考咗牌載佢?)唔會,佢好多嘢講、好煩,揸緊電單車會好危險。」

詩詠與Man爆的黃德斌合作後,嫌洪永城不夠男子氣概:「佢唔夠Man,唔夠雄風,佢應該要學電單車,都想同佢一齊考牌。」黃德斌近日有《刀下留人》出街,一月中又有《鐵馬戰車》播出,他說:「好彩啦,好耐都冇呢啲制服戲,對收視有信心。」