聞細仔新戀情 四太：邊有咁快
賭王何鴻燊與四房梁安琪所出的兩個兒子猷君及猷亨昨日不約而同爆戀情，身在澳洲的四太笑說：「乜今（昨）日好日咩？咁高興！」對於兩兒子的新戀情，四太有不同反應，當她獲悉猷君又拍拖時說：「邊有咁快呀？啱啱先分開。個女仔我唔識，不過佢係超盈啲朋友，佢哋成班過咗澳門睇陳奕迅，聽（今）日一齊過嚟澳洲同我過新年，我就唔係好信嘞，佢嚟到我都會問吓佢！」
而對於猷亨承認的女友陳瀅，四太表示認識，兼大讚對方漂亮說：「見過陳瀅好多次。（猷亨帶畀你見面？）唔係，喺無綫同保良局見過佢，靚女咪認得。（對佢印象唔錯？）記得佢部劇。（你畀佢哋拍拖？）唔係我OK唔OK，都唔知仔係咪。」她指猷亨在外工作一年，今年回港幫手，對地產項目有興趣，之前亦有隨四太到澳洲看地產項目，現在是學習階段。對於有指猷亨借其物業給陳瀅住，四太否認：「肯定冇，複式租晒畀人。」