猷亨認戀陳瀅：證明佢嘅地位

何猷亨與「宅男女神」陳瀅（Jeannie）撻着，二人還雙雙遊日本，事件爆出後，猷亨昨日透過電話大方承認跟Jeannie蜜運：「係拍拖，（拍咗幾耐？）拍拖咁私人，覺得唔使向公眾交代，（點解咁罕有承認戀情？）證明呢個女仔喺我心目中嘅地位，行動證明咗。」他表示對報道的「包養」字眼很反感，並強調Jeannie並非住在媽媽梁安琪位於九龍站上蓋的物業，他說：「絕對冇包養，我自己都係打份工，養自己都未得，點養人？包養好侮辱，我屋企背景係另一回事，點解富裕背景嘅人同人拍拖就畀人咁寫？（Jeannie好唔開心？）任何女仔畀人寫啲唔係事實嘅嘢，冇人會開心。」