趙嘉懿驚心理唔平衡 謀「復出」
模特兒趙嘉懿半年前開始當「家庭主婦」，全心全意照顧一對子女：「因為大仔Marcus今年考小學，要陪佢準備和面試，之前都推咗好多工作，不過值得嘅，阿仔已經有一間私校同直資收咗，仲有兩間等緊，放心晒，聖誕可以陪佢同妹妹周圍去玩。」
對於做家庭主婦，她直言只會做半年，2016將會「復出」，她笑說：「我唔鍾意做全職媽咪，接受唔到日日喺屋企，會心理唔平衡，唔想自己停留喺一個階段，自己鍾意學嘢，早排去學做潤唇膏添！出年我就正式復出啦，（有甚麼大計？）我想考車牌，同埋會搞生意，同模特兒有關，希望成功。」