丘雪祺搵鄧鳳賢展中國夢
時裝設計師丘雪祺（Cecilia）早前為離島扶輪社周年慈善晚宴特別設計一場時裝騷，展示其2016秋冬名為China Dream的新作，是次時裝騷清一色採用外籍模特兒，取其中西合璧的意思，最特別是，她請來唯一一位東方面孔行壓軸，對方出場時，惹來全場歡呼聲此起彼落，Cecilia說：「今次好特別，請咗該社嘅社長Anita（鄧鳳賢）行壓軸，幫佢設計咗一件單肩中西合璧設計嘅旗袍，佢喺我心目中係好型嘅時代女性，佢第一次行騷，出場時全場起哄，有人吹口哨，氣氛高漲。」
Cecilia續表示：「之前喺北京上咗個國家行政學院課程，對中國文化了解多咗，覺得中國夢唔止係中國人嘅夢，全世界嘅人都有呢個想法。」她說與該社先後合作兩年，問她會否加入做會員時？她直言有被邀請，要先安排好自己的時間再作決定。