Alice B.冧爆恨嫁等求婚
「第四代Canon甜心」Alice B.趁着聖誕返家鄉英國探親，與家人共享天倫，更帶同瑞典大地主男友Charles-Louis見家長，完全融入家中，看來快將好事近。
Alice B.認識了瑞典大地主男友Charles-Louis後，已跟隨男友定居於瑞典，早前她趁着聖誕佳節，專誠返回家鄉英國探望父母。她透露胞兄定居泰國，而胞姊則定居英國，三兄妹難得重逢，故四出外遊及談心。
家人都鍾意佢
問到男友可有同行？她冧爆說：「佢特登陪我去咗三日，不過之後佢又返咗瑞典同家人過聖誕。佢終於見咗我屋企人，所有人都好鍾意佢。（佢想同你求婚，所以見家長？）我都希望係，我好想組織家庭。」問到男友是否送上求婚戒指作為聖誕禮物？她笑言因二人分隔兩地，尚未收到對方的聖誕禮物。
返瑞典度新年
Alice透露聖誕正日在家中舉行派對，由其胞姊親自下廚煮聖誕大餐。問她準備了甚麼禮物給家人？她說：「我曬咗三張我喺瑞典影嘅相送畀佢哋。（收到家人乜嘢禮物？）首飾。」她透露稍後將返回瑞典與男友度新年，並計劃於來年三月返港探望朋友。
文：名人組