文詠珊風騷慶生 男友人肉速遞
昨日本報收到讀者爆料，指女星文詠珊（Janice Man，JM）舊愛、（口靚）模郭穎兒（Celia K.）緋聞男友李冠峰遭人貼街招，記者到荃灣一寫字樓門外走廊，發現貼滿逾40張街招。
郭穎兒不知情
李冠峰幾個月前亦曾遭人貼街招，對於緋聞男友連番遭唱衰，Celia接受電話時表示全不知情，相信是惡作劇，並否認拍拖說：「我估今次同之前一樣都係惡作劇，點解係咁我完全唔知。冇聽過佢經濟或生意上有問題，亦都唔會刻意打畀佢問。我同佢係朋友，間中會聯絡，唔係拍拖。」
寧波開工拍劇
另一邊廂，昨日27歲生日的JM，卻懶理舊愛的風波，於社交網絡上晒蛋糕相，心情大好。現正身在寧波拍內地劇的她，表示度過了一個平靜的生日：「雖然今日（昨日）唔使拍嘢，不過因為呢幾日就要拍，所以就平靜地睇劇本度過我嘅生日，夜晚我助手同劇組嘅工作人員都同我食飯、切蛋糕慶祝。」
雖然生日未能在港度過，但JM表示很多朋友知道她要到內地，故提早與她慶祝，已切了十多個蛋糕。而其現任男友吳啟楠上周專程飛抵當地陪女友，準備定聖誕樹慶祝聖誕之餘，更親手整蛋糕賀女友生日，認真窩心。問到JM的生日願望？她說：「希望身體健康、工作順利！」
文：名人組