蓋鳴暉義演 助柏金遜病人

粵劇名伶蓋鳴暉（Joyce）及吳美英昨日到太古出席香港復康會活動，宣傳明年二月在新光戲院舉行的慈善粵劇《無情寶劍有情天》，為柏金遜病人籌款：「其實呢類病人頭腦仲清醒，但行動不便，所以要定期教佢哋做運動，玩下水袖當係拉筋訓練，感覺好溫馨，希望大家都多啲關心呢類長者。」她透露師傅林家聲生前患有柏金遜病，因此感受特別深：「佢哋食藥後又未有藥力呢段時間係特別困難，全身鎖住，郁唔到咁。」問到目標籌務多少善款？Joyce笑言愈多愈好，又大讚Fans很乖，經常包場支持慈善騷。