陳靜異地戀玩完 下次要激啲
女星陳靜（DaDa）早前自爆和台灣男友進行甜蜜的異地戀，並事先張揚會雙雙度過甜蜜的聖誕節，可是話口未完，不足兩星期即告分手！DaDa承認維持數月的異地戀已告終，直言自己唔識拍拖兼冇火花為致命原因，分手反而令她鬆一口氣。
DaDa於本月中事先張揚，會與台灣男友共度聖誕節，怎料剛過了聖誕節數天，DaDa突然在微博留言：「一個人的快樂是一門藝術。」又在微信圈留言：「沒有甚麼突然之間結束的，結束都有着漫長壓抑的伏筆。」據知DaDa的確在聖誕節期間留在香港，沒去台灣，短短數個月的感情已到盡頭。
昨日DaDa接受本報電話訪問，大方直認分手一事，笑言最致命的原因是不懂拍拖：「我可能好耐冇拍過，所以唔識拍！其實主要係大家之前花咗成年時間了解先去發展感情，了解太深，所以拍拖時冇火花。另一個原因，係我同佢嘅家庭觀念都好重，尤其節日都會同自己屋企人一齊，始終大家都係相隔兩地。」她承認聖誕節只和朋友共度：「我仲同一對情侶一齊去嘉年華玩，做埋電燈膽，哈！畀番啲火花佢哋！」
期望一見鍾情
DaDa強調大家是在和平的氣氛下分手，不會有復合的可能，向來理智處理感情，並期望會有段充滿激情的戀愛：「媽咪都知我分手，仲話最緊要係我舒服。我覺得大家做番朋友仲好，分手反而令我放鬆，我不嬲唔會糾纏。我都想下一段感情有激情，最好一見鍾情，起碼有美麗嘅回憶。」
文：專案組