蕊蕊 美琪 Crz 挑戰「超級搖滾」嗌到拆天

趁着元旦將至，歌手蕊蕊相約師妹陶枳樽（Crz）及「牛雜妹」李美琪（Monnie）到舊啟德機場的《東華慈善嘉年華》玩一連串機動遊戲！

胸湧好香艷

三女入內即表現十分興奮，率先玩今年由瑞士引入的「陀飛輪」來熱身，臨玩時她們都驚驚青青，不過當「陀飛輪」轉動時，難得三女都表現冷靜，身材驕人的蕊蕊坐在「陀飛輪」內倒轉時，期間上圍被谷至胸湧「Big」爆，十分香艷。事後三女異口同聲表示離心力不算太大，還揚言「唔夠喉」，要再向高難度挑戰！

李美琪玩到好high。	蕊蕊、陶枳樽 「超級搖滾」令兩位靚女尖叫不停。	「超級搖滾」

她們即時轉戰「超級搖滾」，實行要挑戰垂直360度轉動，事前蕊蕊、Crz及Monnie先壯定膽，未出發先興奮口響響說冇有怕，怎料當「超級搖滾」轉動至30米最高點時，三人竟在高空尖叫，還叫個不停，嘈到拆天！及後玩完此機動遊戲返回平地，三女始直認太過「輕敵」，蕊蕊說：「呢個『超級搖滾』離心力仲大過『陀飛輪』，我有幾吓要合埋眼，不過有時好奇之下會擘大眼睇吓玩完未，點知原來喺最高點，搞到我真係勁驚囉！」

李美琪（右起）、蕊蕊及陶枳樽玩「陀飛輪」熱身。

蕊蕊（右）玩「陀飛輪」轉動時，上圍胸湧「Big」爆！

陶枳樽想黐

經過一輪刺激玩意後，三女即玩「超級紐約滑梯」及「英國皇家絕技團」，令她們流連忘返，大呼絕技團表演人員的高難度動作夠刺激！童心未泯的Monnie最後拉埋蕊蕊及Crz到攤位掟公仔，最終人人有公仔，滿載而歸！

在嘉年華玩了一整日，蕊蕊說全部遊戲都十分好玩，更考慮帶埋男友金剛再玩：「真係值得嚟，如果佢得閒嘅話，都會同佢一齊嚟玩機動遊戲，我都想睇吓佢咩反應。」身旁的Crz聞言說：「我都想嚟呀，我做電燈膽都唔介意。」怎料被蕊蕊駁回：「冇諗過叫你嚟啵！」而Monnie希望可以玩多幾次「陀飛輪」，大讚好玩，玩多幾次都冇問題。

文：專案組　

攝：吳文聰