黃心穎仰慕男神：我堅想拍

黃子華有意牽頭開拍《男親女愛》延續篇，不少無綫小花甚雀躍，希望能有機會跟前輩合作，當中黃心穎接受電話訪問時透露子華是她的超級男神，她說：「我真係堅想拍，子華搞笑形式好有智慧，佢識諗好多跟住潮流嘅笑話，黑色幽默，好希望有機會跟前輩學習，但就算冇機會合作，作為觀眾見到嘟姐（鄭裕玲）同子華再合作都有眼福，《男親女愛》係我其中一套好喜歡嘅劇。」張秀文在電話中說：「梗係想參與，自己想克服恐懼，好佩服嘟姐同小強傾偈做戲呢一幕，我好想親眼目睹，跟嘟姐學嘢，太厲害喇。」
黃心穎讚子華搞笑得來有智慧。
黃心穎讚子華搞笑得來有智慧。

此外，張秀文、黃心穎、李佳芯、湯洛雯、梁嘉琪、麥美恩昨日在將軍澳電視城出席《學是學非》記者會。張秀文最近為娛樂節目挑戰學跳肚皮舞，「胸」湧身材成網民熱話，她說：「有睇到少少網民意見，都開心大家有睇，節目係想挑戰自己唔識嘅嘢。」李佳芯對於有傳劇集《波士早晨》上映無期，她表示不清楚，若果屬實會感到可惜。

梁嘉琪（左起）、李佳芯、黃心穎、麥美恩、湯洛雯和張秀文，六位「是非精」嘈喧巴閉做實驗。
  • 梁嘉琪（左起）、李佳芯、黃心穎、麥美恩、湯洛雯和張秀文，六位「是非精」嘈喧巴閉做實驗。