鄧健泓送女友新碟畀拍檔
有份演出《男親女愛》的鄧健泓（Patrick）明年3月將與無綫結束多年賓主關係，而15年前的《男》劇卻為他寫下事業里程碑，難怪得悉台前幕後「再續前緣」約飯局後，他顯得相當雀躍。
談到前晚飯局，Patrick接受電話訪問說：「我哋一年起碼約一次，咁多年都係咁，由於近排重播過，所以飯局都有提起。（交換番聖誕禮物？）都有，我帶咗老婆Sukie（石詠莉）嘅唱片送畀大家。（老婆？結咗婚？）感情穩定嘅，出年盲年，最快2017囉。我有啲嬲黃子華，原來之前佢有嚟睇《杜老誌》，但冇入後台搵我，昨晚（前晚）補番讚我做得好咋。」至於離開無綫後，Patrick獲邀到電台主持晚間清談節目，一切重新開始。