林雅詩唔會硬碰硬

目前正與丈夫辦離婚的林雅詩，昨日在電話訪問中透露以往與對方吵架時，會揸車出門散心，不會「硬碰硬」：「我都需要冷靜，但唔使人哋趕，我會揸車出門兜風。」至於昨日她性感亮相會展活動，表示聖誕會陪伴十歲兒子。談及她早前接受有線訪問時，疑似默認丈夫向兒子動粗，她解釋：「玩嗰啲推撞，先生唔識親子嘢，小朋友都喊過同投訴過，瘀晒。先生想與現時住在外婆家的兒子食聖誕晚餐，但其實小朋友唔想，我有解釋畀佢聽應該試吓，唔使擔心，始終係父子要見面。」她承認已處理離婚文件，目前正搵地方住，可能稍後會返娘家暫住。