周子揚分手爆大鑊何傲兒：法律追究！

何傲兒與周子揚拍拖年多，屢傳分手，至今年九月終於正式分開。雖然分手已三個月，昨日周子揚突在電話中自爆分手內幕，指與何傲兒拍拖至今，何父一直施壓，更大爆Lily的家姐何傲芝（Gigi），代何家向他苛索每月十至廿萬元生活費，否則不讓他與Lily交往，之後又要求給予廿多萬元解決稅務問題。

從未見家長

問到前後共給予何家多少錢？周子揚卻迴避道：「唔關呢個問題事，Gigi自己有男朋友，佢冇問對方攞，但要求我畀每月十萬至廿萬元生活費，點解唔畀錢就唔可以一齊？呢個唔係小數目，講緊每月畀錢，如果開始就停唔到，咁樣建立感情係唔健康。」並謂從未正式與何父見面食飯，跟Lily也未發展到談婚論嫁的階段，問到是否何父不滿？他說：「佢Daddy同Gigi有打過畀我，警告我唔好再同Lily一齊。」

雖然周子揚家境尚算不俗，但他稱自己的感情事不想影響家人：「我諗過努力搵錢，或者做借貸幫佢屋企，但同家人商量後覺得事態有啲奇怪，所以拒絕咗。（覺得奇怪？）唔清楚Gigi問我攞錢背後嘅最大原因，所以拒絕了。（認為不關何父和Lily事？）應該係佢哋全家嘅意思，Gigi代表問我。」

周子揚曾被《好報》拍得買外賣，與何傲兒同車返男方住所過夜。

何傲芝與父親被指夾擊要二人分手。

「佢係好女仔」

問是否覺得Lily為錢跟他拍拖？周子揚力撐舊愛：「唔係，佢係個好女仔，佢家人畀嘅壓力太大，我努力過想試搵錢幫佢，但呢個唔係一、兩日解決到。」他直言「有心無力」，又稱此事令他壓力大到幾乎抑鬱，問到跟Lily有否機會復合？周子揚說：「唔能夠解決這些錢嘅問題，應該比較難，佢哋屋企太複雜，我應付不了。」

對此，Lily則回應：「對於不確的報道非常關注同唔開心，事件已委託律師跟進，並會以法律追究。」

文：影視組