文凱玲keep fit有道放縱狂食

為電影《鴨王2-雞同鴨戀》作性感演出的「晶女郎」文凱玲（Connie），為在鏡前有好身材而冇啖好食，不過，現時已修身成功的她，難得佳節當前當然要好好享受。早前她在有份投資的韓式餐廳勁擦聖誕大餐，並笑言：「呢排養成咗做運動習慣，每星期起碼兩、三次做Gym同跑步，聖誕節就畀我放縱吓食多啲啲啦！相信好快Keep得番。（聖誕鍾意食咩？）其實我唔係太應節，近年聖誕多數同朋友打邊爐，方便嘛，哈哈！而且大家都唔叻煮嘢食。」

最愛出埠睇雪景

已單身一段時間的Connie直認好Dry，但今年繼續冇眉目：「年年大時大節都問我呢個問題，好傷感！不過今年同閨蜜去歐洲旅行，係另一種開心，之前太忙約唔到朋友，所以要更加珍惜。」雖然曾任空姐周遊列國，但Connie仍很享受聖誕出埠度過，最難忘是數年前與當時的男友過白色聖誕，但臨倒數前竟與對方失散，到最後一刻才重遇。問到心目中的浪漫聖誕，她說：「簡單、靜靜地過就夠，唔會要求好多花巧嘢，但最好都係有雪景啦！」

文凱玲直認好Dry，恨有人陪過聖誕食大餐。

放大圖片

文：影視組

髮型：Tin Ngai@Headwork Hair Corner

場地：HANJAN