許廷鏗唱劇集歌有着數
歌手許廷鏗（Alfred）前晚出席歌詞創作比賽，有指吳若希與無綫加簽五年長約換金曲金獎，問在《勁歌金曲頒獎禮》中成績不俗的他會否怕被誤會以約換獎？他笑言：「我都未傾約！最後攞『最佳演繹男歌手獎』係畀咗支強心針自己，我知道唱歌冇話最佳，但希望大家感受到我呢幾年都係盡力。」
Alfred在頒獎禮中有一個半獎是憑劇集歌曲奪得，而星夢歌手常有機會唱主題曲，問是否公司關係增加獲獎機會？Alfred稱會留意無綫的人自然留意劇集，故投給劇集歌曲屬正常：「始終係電視台頒獎禮，我見泳兒攞獎都係唱劇集歌，唔會諗到係公司因素，我都有唔係劇集歌嘅歌攞獎。」Alfred亦不認為吳若希會以約換大獎：「我哋多TVB人續約，唔通個個續約就有獎咩？」