玄學星相剖析：韋家雄仲有運行！
藝人韋家雄今年憑劇集《梟雄》奪最佳男配角殊榮，加入無綫二十年的他終捱出頭來，《東網巨星》推出的娛樂節目《玄學星相》，掀起網上玄學節目熱潮，節目內容富娛樂性之餘，亦為網友帶來玄學知識，最新一集邀得堪輿學家陳子才以玄學角度分析韋家雄是否注定大器晚成。陳子才指五行屬金，生於夏天的韋家雄行金、水運有利：「2011到2020年，原來先有少少水喺裏面，所以運氣上只係比以前好咗啲，但係真正行運呢，其實仲未到。」
問來年韋家雄有沒有機會「升呢」男主角？陳子才說：「第一就係大運仲未完全到，去到2021年嗰十年先至可能地位更加提高，第二點亦都同佢本身『食神星』性格有關，謙虛、內向、多情、多愁善感，但個問題大家都知，尤其係做演戲，一定要表露出嚟。」而出爐視帝黃秋生叮囑韋家雄要慎言，想知韋家雄是否多言多失的人，睇《玄學星相》就一清二楚！
今屆最佳女配角得主姚子羚亦捱了多年，陳子才說：「佢喺2014年先開始踏入大運，佢呢兩年會更加受注視。」想知姚子羚能否上位做女一，大器晚成又有冇樣睇，只要Click入《東網巨星》的「視娛樂」，睇《玄學星相》就更啱Feel！
Link：http://goo.gl/QAnXuT