藝人李佳芯（Ali）昨日到藍田出席活動，即場布置聖誕樹，Ali透露聖誕冇節目：「要開廠拍劇，我諗嗰日我哋成班演員揸車去外面食餐好當慶祝。」Ali又指早前與梁嘉琪、麥美恩及張秀文到德國拍旅遊特輯，嘆與三女同行令她冇機會發生艷遇：「同佢哋三個一齊邊會有？想要玲瓏浮凸嘅會鍾意張秀文，喜歡女人味嘅會揀嘉琪，鍾意活潑好動就搵麥美恩。」
