諸葛紫岐「美女軍團」開P過節

名模諸葛紫岐自組娛樂公司後，前晚首次率領旗下藝人呂晶晶、黎美言、莊端兒和黃倩婷，到Neway包房唱K開聖誕P。身為老闆娘的諸葛紫岐花心思分別訂了寫着「美女軍團」和「野戰隊」的蛋糕，又豪花五位數買禮物抽獎。原本她帶同兒子出席，不過兒子被眾女的唱功嚇親，過門而不入，她笑說：「諗住帶佢去見識吓，但去到門口，一開門聽到啲歌聲音樂聲好大聲，嚇親，冇入到去，喺門口玩咗一陣就走咗。其實屋企有個私人卡拉OK係佢嘅，佢都鍾意唱歌和跳舞。」提到早前以她們肖像印製的月曆反應奇好，近日竟收到來自新加坡、香港和北京三地粉絲紛紛要求索取，故她決定加印千個月曆。