黃秋生寸陳百祥 最叻含水噴人
藝人陳百祥（阿叻）在電台節目的言論被網民關注，其中黃秋生就其「個國家唔係你」的言論表示要封對方為偶像，因為覺得他「好鬼頂癮」！
昨日秋生受訪時認為阿叻被玩：「阿叻被人玩啦！嗰兩個主持人整鬼佢，搞到佢講到亂晒大龍，進退失據。佢今次老貓燒鬚話『個國家唔係你！』，我聽到都嘩然，佢當咗係私人公司？（你印象中阿叻有咩叻？）佢最叻咪係台慶含住啖水噴祥仔（黎耀祥），噴到人一面都係。仲想重施故技，噴唔到我吖，佢當個個都傻！不過，佢幾十年都係咁，角色好統一！」而阿叻於截稿前未有回應。
