Kelly怕坦蕩死都要Bra
天后陳慧琳（Kelly）前晚舉行第二場紅館騷，Deep V上陣的她在勁歌熱舞下搞到肉色「Bra」移位。事後，問到可知露Bra Bra於人前？Kelly竟說：「吓？爸爸？係呀！我爸爸晚晚都有嚟支持我。（係Bra啊！）吓？走咗位？有冇走光啊？哦小小啫！嚇死我。」問到會否索性真空上陣只貼乳貼？Kelly即時Say No：「唔得！我覺得好冇安全感！裏面空蕩蕩咁唔慣。」
原定只任頭場嘉賓的張家輝，因觀眾反應太好，決定加演幾場。他於頭場笑指怕Kelly太性感冷親肚臍而叫她塗白花油，這晚卻笑說唔好：「驚啲油經過小腸氣打番上個胃，影響氣管，我又驚你有事喎！」全場觀眾笑爆。首晚演唱時忘詞的家輝，指事後致電好友張學友：「佢話唔記得歌詞咪重新再嚟，最緊要Enjoy！」