周柏豪反櫈仆低痛不出聲
歌手周柏豪昨日出席遊戲活動，喜愛打機的他笑言今次寓工作於娛樂，但女友不會陪自己打機，每次都是偷偷進行！他又為自己平反，指只要不過分的話，打機能夠訓練頭腦，問到有否試過沉迷？柏豪自爆瘀事：「同朋友連線打機，戴晒藍牙咪，打到興起趷櫈，點知反櫈成個人反咗去後面，但戴緊藍牙唔可以嗌，惟有同啲朋友講部結他跌咗落地，但其實好痛！」
另外，柏豪透露因工作未能出席昨晚的《勁歌》頒獎禮，連同門的連詩雅亦缺席，對於有傳因失落大獎才不出席？他說：「以我所知唔係咁。（其他去唔去？）去唔到新城。（咪少好多獎？）咁講係少好多獎，但時間夾唔到。」