羅寶文自認極多「男朋友」
富豪酒店太子女羅寶文（Poman）、「玩具大王」蔡志明與太太昨晚出席公開活動，Poman坦言仍是單身：「你哋都知我咁多年都冇拍拖，男性朋友極多，但男朋友就冇。（條件太高？）我唔鍾意講條件，我講feel，緣分好多，但近年太多嘢做。（唔心急？）冇得到我急。（屋企人冇催？）乜都過晒，可能唔講係唔想畀壓力我。」
提到好友羅穎怡將結婚，Poman自爆原本擔任對方姊妹，但因工作太忙而推辭：「真係唔好意思，但我會去飲。（叫佢介紹男仔你識？）我哋嘅圈子好接近，佢嘅朋友我都識。（識唔識佢未來老公林知譽？）識。（覺得佢點？）佢幾靚仔，個人比較純。」提到之前林知譽曾與林芊妤發生「殘廁gathering」事件，她為男方說好話：「就係因為純先會發生呢件事，諗唔到對方……（意思係女方放料？）咁我唔知喇！」