周秀娜練腦力
周秀娜、陳瀅及蝦頭過五關斬六將殺入決賽，IQ自然有番咁上下，不過最後都不敵Shiga，周秀娜笑說：「輸咗都當贏，自己又參與過，同埋可以思考吓，可以用多啲個腦。」陳瀅覺得《巨星放題》很好玩：「冇諗過會入到決賽四強，好驚訝，因為我鬼妹仔，好多條IQ題、冷知識我都唔係好識答。不過今次都學到嘢，好似Kay問邊區冇屋邨同香港最南嘅島係咩島，幾得意，下次記得再叫埋我玩。」
以兩題之差落敗的蝦頭謂：「差兩題好多，我答中咁少，抵輸，我嘅命運就係通常最終極都做唔到大贏家，我係《足球小將》嘅『泰來』，做唔到『戴志偉』。」談到與周秀娜並列亞軍，她說：「同周秀娜睇齊係我福分，我仲想再玩，因為我鍾意玩IQ同冷知識，下次有一定要預埋我。（積極備戰？）每日都有好多人問我一啲好難答嘅題目，所以已經係訓練。」