田蕊妮做「頒」霸搞氣氛
視后大熱倒灶的田蕊妮奪得「最受歡迎電視女角色」作安慰，賽後她坦言沒有失望，反戥拍檔胡定欣封后感高興：「《鬼同你OT》拎晒兩個女角色獎，係好大鼓勵、好圓滿。」提到負責頒發視帝時，跟曾傳不和的黃秋生對答甚有火花，阿田笑言沒有夾定：「我真係唔記得同佢合作過！當時太細個，聽到佢個名嚇到窒咗，但我依家『升呢』頒獎畀佢！」
當與鍾嘉欣頒獎時，對方多次講錯張繼聰的提名劇集，阿田透露是有心安排：「專登度出嚟！證明我哋演技好，嘉欣話唔識講大會啲稿，所以即興咁講。（點同老公杜汶澤慶祝？）我哋好少講嘢o架。（肢體語言？）哈哈！攞獎已經好開心，冇理由要人再同我慶祝！」不過，有網友力數阿田頒視帝時企中間兼爭對白，又恰靠邊站的嘉欣及不尊重前輩秋生，她對此回應：「都係配合節目，搞吓氣氛啫！」
