有時候女星大鬥性感都未成為焦點，早前在品牌周年活動上眾女星拋胸爭艷，可惜最性感的反而衣不稱身。星級造型師郭慶彬就大讚兩位穿上全白打扮的女星最美，晒長腿的Charlotte McKinney腰位cut out性感搶盡目光，而Alessandra Ambrosio就大騷S身形！
全白打扮好靚，有刻意安排，非常戰鬥格，好有台型，騷到佢身形，腰位cut out性感之餘有睇頭，好有時代感，盡騷48吋長腿，好有型，金髮金鞋襯到絕。
好簡單，超模身形着乜都好睇，着tube dress已攞滿分，一條裙突出佢S身形，條裙cutting特別，好多details，加埋佢嘅笑容，令人有深刻印象。
套衫好靚，好時尚，但佢個樣斯文，唔襯咁有型嘅衫，格格不入，身形唔算高，條裙長度尷尬，一啲都唔靚，髮型唔襯，成個感覺係衫着人。
麻麻哋，全黑襯佢膚色一般，唔突出，而且件衫設計好複雜混亂，着得佢好肥，中間有個窿好古怪，誇張不討好，個頭set咗凌亂，個感覺好似冇吹頭。
全黑色好搶眼，着得佢好瘦好靚，腰位cut out位若隱若現，好性感，佢一身長裙線條好靚，依家好流行長袖裙，好有時代感。
好核突，中空裝設計為露而露，中門大開令人有壓迫感，誇張而不討好。
髮型加分，乾淨簡單，最靚係佢襯咗珠片連身褲，因為好難着，佢令比例好高好瘦，好有光彩，好似黑珍珠散發光芒，低V中門大開設計性感得嚟好健康。
星級造型師郭慶彬（Ricky）的配搭功架深受女星讚賞，是型媽吳君如、「大美人」李嘉欣與「玉女掌門人」周慧敏等的御用造型師，在業界備受肯定。Ricky亦是一眾品牌之友，經常被各大品牌誠邀出席米蘭與巴黎時裝周，還會為品牌在尊貴活動上充當講師，與VIP分享與傳授配搭之道。