名模貝安琪前晚以性感打扮出席活動，之前她出發往好友Rosemary婚禮前不慎扭傷腳，現已康復。問到在婚禮上可有艷遇時，她笑言：「好多，多到我要跑走。（啲男士好熱情？）係呀，喺婚禮度個個都好開心。（有冇遇到啲咩王子？）冇，有好多business man同埋後生仔。（係咪你要求太高？）我諗唔係啩。（佢哋太猴擒嚇親你？）係，哈哈。（有冇交換電話？）我哋有個群組，之前要傾婚禮啲嘢，依家都有保持聯絡。」
