張秀文開聖誕P 玩足3日3夜
無綫小花張秀文（Sammi）與資訊節目《學是學非》成員黃心穎、梁嘉琪、李佳芯（Ali）、麥美恩（Mayanne）及湯洛雯（Roxanne）情同姊妹，臨近聖誕節也相約齊齊慶祝，齋構思如何度過佳節也七嘴八舌，嘈到拆天。Sammi笑指眾女於節目經常玩制服誘惑，故決定放棄cosplay，提議舉行馬拉松式派對，於三日三夜間玩樂之餘，不忘做實驗。
旅行嘈交
談到實驗內容，Sammi首推「是非精」中最嘈吵的Mayanne，她謂：「要睇佢幾時先嗌到沙聲，嘉琪就食到幾多件雞批。同埋之前我哋有4個女仔去德國拍《這個聖誕不怕冷》特輯，好想一齊睇，記得拍嗰時又鬧交又打交，所以有興趣睇吓剪成點。」
提早過節
早前六女更化身聖誕女郎提早過節，Sammi指當年與男友曖昧一段時間，最終於聖誕節拍拖，即使做一些普通事也份外甜蜜。談到「平安夜」經常被喻為「失身夜」，心穎坦言於外國較少聽到該名稱：「如果真係鍾意，諗得好清楚就可以去做，點解一定要呢日？但點都好，千祈唔好一時衝動，聖誕Lonely有佢嘅好。」
文：影視組