湯怡冧歌送洪卓立
英皇藝人湯怡（Kathy）、陳家樂、歌手陳凱彤及麥子樂昨日出席商場活動，期間Kathy的男友洪卓立（Ken）更到場支持， Kathy即場唱出《世上只有》向男友「示愛」 ，Ken則化身龍友影個不停。Kathy笑言因場地近，Ken才出現：「我練歌佢都幫我唔少，佢特登喺電腦裝咗個軟件畀我錄歌，同埋我嚟緊會去杭州拍戲，要爭取多啲時間見面。」
入圍澳門電影節的最佳男配角的家樂，搶先多謝電影拍檔惠英紅：「初初知道同咁有分量嘅人合作好有壓力，佢又成日爆肚，我同佢講唔知點接落去，但後尾佢同我講唔一定跟足劇本讀，最緊要演得舒服，結果有一半對白都係我哋即興。」
