前港姐沈頴婷及鍾溥敏昨日到灣仔，為今天舉行的拳賽進行過磅。沈頴婷為拳賽谷大隻：「好期待正式比賽，我欣賞鍾溥敏下盤好穩。之前我返工忙，只係趁得閒就練習，盡量令自己食飽啲，強壯啲去比賽。（真打唔留手？）我哋會戴保護裝備出賽，一定會真打！」
問到鍾溥敏會否留手？她說：「我係初學者，要我扮打反而仲難！我欣賞沈頴婷力量大，我叫咗朋友嚟觀戰，但唔敢叫爸爸，怕佢見個女被打覺得難過。」
