雨僑約滿離巢
歌手雨僑昨日出席網上遊戲活動，有關同公司的王宗堯和莊思敏吵大鑊，雨僑表示從未見過莊思敏喊：「見到佢喊喊豬，有安慰佢啦，但成件事誰是誰非就冇興趣知。（同王宗堯熟唔熟？）都OK，今次真係左手又肉，右手又肉。（唔知幫邊個？）唔係，兩個都冇要我幫，只係唔方便畀意見。」
至於講到有傳關心妍因不滿唱片公司資源全落在鄭欣宜身上而決意離巢？雨僑謂：「我都唔清楚，因為我同欣宜嘅歌都係經理人公司搞，冇話爭唔爭資源嘅問題，但我自己就真係約滿離開唱片公司（Neway Star）喇！」講到離開原因，雨僑謂：「唔係對唱片公司不滿，只係試咗兩年都覺得唔係咁適合啫，待十二月約滿後，唱片嘅事都交番經理人嗰邊搞。」